Sian Tesni yn ymuno â CBM UK
CYMRU | ENGLISH
CBM UK yn ehangu ei phresenoldeb yng Nghymru drwy apwyntio Sian Tesni yn Drefnydd Cenedlaethol.
Drwy benodi Sian Tesni fel Trefnydd Cenedlaethol Cymru, mae CBM yn cael cyfoeth o wybodaeth a phrofiad o Addysg Arbennig a Gwasanaethau Gofal Clyw. Mae hi'n siarad Cymraeg ac yn dod yn wreiddiol o Geredigion.
Fel Trefnydd Cenedlaethol fe fydd hi'n gyfrifol am weithgareddau yng Nghymru, fel trefnu cyfarfodydd i gefnogwyr, cyfarfod â chorfforaethau mawr a gweithio gyda gwirfoddolwyr a grwpiau cyfeillion, gyda'r nod o hybu gweithgareddau codi arian.
Yn ogystal â gweithio yng Nghymru, bydd yn parhau gyda'i rôl ryngwladol o fewn CBM.
Cyn ymuno â swyddfa CBM UK, fe fu hi'n gweithio ym Mhapwa Gini Newydd am 7 mlynedd fel cydweithiwr ac yna yn Ne Asia am ddwy flynedd arall.
Mae Sian yn briod â Jasper ac mae ganddynt fab o'r enw Thomas-Arthur.
Os ydych am i Sian ddod i siarad gyda grŵp yn eich ardal chi, cysylltwch â hi ar bob cyfrif.
Gallwch gysylltu â Sian drwy e-bost ar siantesni@cbmuk.org.uk.